| Longshim | Date: Friday, 23/10/2015, 1:04 PM | Message # 1 |
 Generalissimo
Group: Administrators
Messages: 94
Status: Offline
| Thingna-rahana shonthar shonkhalui eina,
Kokto vanaona rakakato tharan…
Thuikahai atam… sakahai otsak…
Latungura ningli… mathingrik eina…
Iyavo… pata kahaiva… Āhāola
—
Latungura zingkum atamva.
Wonserlui ura pata kahai awonla,
Leichingli mangacheila kazing-ngalei…
Iya… Ini ngareo kazatam…
Ngachakyang hairavaai… Imang:
—
Ining pāngsinta zatkhavai shongfali,
Ini pangkhumta pamkhavai pamleila…
Ringkapha mayo atam hili…
Iya kapeiyang kahai naa…
Kali thumkahai ni da…!
—
Kathi kahola kali rimpamsada,
Athei thada mamin ranglakha jang,
Awon thada mangatām nāh ranglakha…
Rali thui kahai vaa…
Kashunah wonhaokho…!
—
Azak shimānhaida… akhakla makasha eina,
Nana samikahaiya romannao hi eina,
Mitta leikho… mikwui chara…!
Iya-owi… machihankasa romannao…
Aae… Ahāola wui pangthem…!
—
Sami kahai nawui sheba phaningva…,
Teokha leishida samihai luili nava,
Oh, khi eina runsilo… da kapei…!
Khikha masalui kapai eina…
Masikhon eina ka hi sada lei.
—
By (late) Daniel Chamroy
[PS: This poem is an extract from late Daniel Chamroy’s poetry book ‘Awon Eina Mi‘, first published in the year 1988. We will be publishing more of his poems.]
|
| |
|
|
